Feeds:
Bydraes
Kommentare

Posts Tagged ‘Woordfees’

Saterdagaand in Dorpstraatteater (wat nie in Dorpstraat in Stellenbosch is nie, maar op Summerhill wynplaas op die Paarl-pad) het ‘n klomp van my gunsteling kunstenaars onder leiding van die bekende baskitaarspeler, Schalk Joubert, saamgespan om vir Anton Goosen ‘n huldigingskonsert te hou.  Wat ‘n ervaring! Terwyl hulle op gepaste wyse hulde gebring het aan ‘n mentor en baanbreker in die musiekbedryf, het die gehoor die voorreg gehad om van die beste wat Afrikaanse musiek te bied het in aksie te sien.

Dis ‘n klein dinner theatre en almal het heerlik buite op die stoep sit en kuier voor en na die vertoning.  Al is dit heelwat kleiner as die skouspelagtige SAMA’s was dit baie lekker intiem en gesellig!

(Verskoon asb die kwaliteit van die foto’s. Die gehoor was vasgenael en ek wou nie met my mik-en-druk daar voor onder die kunstenaars se neusgate loop inkruip het nie)

Ollie Viljoen het so half as MC opgetree en ook ‘n jazz verwerking van ‘n paar van Anton se liedjies op klavier gespeel.  Dit is wonderlik wat hy op oor die 70 nog met ‘n klavier kan uitrig.

Ollie Viljoen

Gian Groen het onder andere ‘n liedjie van Gansbaai en die Lapa en Skye (lekker dat tot jou hond deel is van die show!) wat hy ‘n paar jaar gelede spesiaal vir Anton geskryf het, gesing.

Gian Groen

Daarna was dit een van my gunsteling digter/musikante!

Gert Vlok Nel sing Kris Kristoffersen

Tuesday’s Gone was ‘n verrassing en ek dink ons gaan beslis meer van hierdie manne hoor in die toekoms.

Tuesday’s Gone

Johrné het solo gesing en ek het regtig daarvan gehou (terloops, Lienka sing vir my net so mooi op haar eie).

Johrné

Die briljante Ramon en Sima (wat vir my baie na Sibongile Khumalo klink) was volgende.  Dit was Sima wat gesê het dat dit so lekker is om hulde te bring aan iemand wat in die gehoor kan sit en dit saam beleef en julle weet mos hoe ek daaroor voel!

Ramon op keyboard en Sima

Laurinda Hofmeyr is begelei deur Sven Blumer en hy het daarna self ook ‘n paar liedjies gespeel.

Laurinda Hofmeyr

Sven Blumer

Daarna het almal saam kom sing:

Laurinda, Johrné en Gian in die middel

En Anton het vir almal kom dankie sê.

Anton Goosen

(Jan Blohm was ook daar, maar hy het net “in sy hart gesing”).

Wat mens opval op ‘n aand soos Saterdag is hoe ‘n integrale deel van ons alledaagse bestaan sy musiek eintlik vorm.  Jy vergeet soms hoeveel honderde stukke musiek hy al geskryf het, hoeveel kunstenaars al van sy werk opgevoer en opgeneem het.  Ollie het ‘n staaltjie vertel van 1985 – en toe was hy al ‘n lank gevestigde kunstenaar!  Laasjaar het hy ‘n SAMA Lifetime Achievement Award ontvang vir sy bydrae tot musiek.

Gaan lees gerus op sy webblad om ‘n klein idee te kry van ‘n paar van die kunstenaars met wie hy al gewerk en gementor het.

Dit was só lekker om te sit en luister hoe almal Saterdagaand van hom vertel het.

Read Full Post »

 

Magda besig om voor te lees

Ek wil vandag se bloginskrywing begin deur te sê dat dit ongelooflik lekker was om saam met Magda van Biljon te werk.  Sy is ‘n geweldige knap mens wat presies weet wat sy doen.  Die hele opset en al die idees het regtig wonderlik te werk, sy is fenomenaal!  Sy het die kinders en ouers tog te lekker in die storie ingetrek en laat saam doen.

 

Mense in die gehoor besig om saam te lees

Ons het ongelukkig nooit kans gekry om by die Oude Libertas-amfiteater saam met die klankmanne deur die storie te werk nie, so ons was maar bietjie benoud oor hoe alles gaan werk en waar ons al die maskers en posters gaan opsit op die vuurwarm verhoog (wat gelukkig Saterdag ‘n halwe dak oorgehad het).

 

Pappa die wildwagter

Nadat ek (julle sal my nie gou weer in so ‘n 2-tone hemp sien nie, ek het gedog ek gaan dood van die hitte!) en Magda eenmaal deur die storie gelees het en al die diereklanke gespeel het, het ons van die kinders in die gehoor gevra om ‘n volgende keer saam met ons die storie op te voer.

 

Almal wil op die verhoog verskyn

Krok het die maskers vir die produksie gemaak, almal was gaande daaroor en die kindertjies het mekaar omtrent uit die pad gestamp om tog net ook ‘n kansie te kry om ‘n leeu of ‘n arend te wees!  Vir haar wil ek ook baie dankie sê, dit was baie ure se harde werk en het baie professioneel gelyk.

 

Al die maskers op die staander

Behalwe vir die klein seuntjie wie se voete op die warm verhoog gebrand het, het die kinders hulle gate uit geniet om al die diere na te maak.  Die leeus het gebrul en hulle stappies gestap, die olifante het slurpe geswaai en met groot pote getrap terwyl hulle ore heen en weer swaai, die arende het om en om gevlieg en later het die hasies verby kom hop.

 

Sareltjie met sy swepie en houtswaard

Die leeus en die visarende

 

 

Olga en haar kalfie

Vlakkie vlakhase

Die byspelers so bietjie later in die storie was die gemsbok met sy lang horings, die luiperd wat gesluip het, die gompou met sy stywe bene en die springende padda.  Hulle het toe al gesien wat doen die vorige spelers, so dit het baie jolig gegaan na die einde toe.

 

Almal dans saam

Die zebratjie was seker die mooiste van die hele klomp.  So ‘n klein ou seuntjie – sy ouers was verskriklik trots oor hoe mooi hy gespeel het!

 

Pajama die zebravulletjie

Fiona van Kerwel-hulle van die Woorde Open Wêrelde program het vir ‘n klomp kindertjies by hulle skole van die boeke uitgedeel.  Tydens die voorlesing het die meeste outjies saam met ons deur die boek gelees, dit was heerlik interessant om dit van die verhoog te staan en dophou! Toe ek na die tyd almal se boekies teken wou ek omtrent op my rug val toe ek sien hoeveel daarvan is reeds mooi netjies met plastiek oorgetrek en name opgeskryf.  Ek hoop dis vir hulle lekker om elkeen hulle eie boekie te kon kry.

 

Almal staan mooi in 'n ry om hulle boeke te laat teken

 

Die Woordfees was ‘n ondervinding en ‘n half!  Ek dink Melt Myburgh-hulle is besig om ‘n erfenis op te bou wat lank na hulle betrokkenheid nog steeds deel sal wees van Stellenbosh.

 

(Die foto’s is almal deur Corina geneem – baie dankie vir al jou moeite en dat jy selfs ophou kamp het om te kon konsert hou 😉 )

 

 

Read Full Post »